Якшанба куни Дэвид Бекхэм "Милан" сафидаги дастлабки голига муаллифлик қилди. Мазкур жамоа сафида у март ойига қадар ижара асосида тўп суради. Инглиз футболчиси шартнома якунига етганидан сўнг ҳам ўзининг яна "Лос-Анджелес Гэлэкси" клубига қайтишига унчалик ишонқирамаяпти.
"Ҳозир бу ерда мен ўзимни жуда қулай ҳис қиляпман. Бу клуб мени бир неча йиллардан бери қўлга киритишни истаб келаётганди ва ана шундай жамоа сафига келиб қўшилдим, бу ерда энг яхши мухлислар учун ўйнамоқдаман. "Милан" сафида мартга қадар ўйнайман ва ундан сўнг жамоани ўзгартириш борасида ўйлашим мумкин. Ҳозирда фақат футбол ҳақида ўйлаяпман", - дейди Бекхэм AFPга берган интервьюсида.
