Мусибатни бошқа мусибат ёпади, дейишади. Яхшиликни ҳам ундан муҳимроқ яхшилик унуттиради. Қандай тушунтирсам экан? Озгина эзмачиликка қўймасангиз, буни оддий бир ҳаётий мисол билан тушунтираман. Дейлик, бир киши тўсатдан супермаркет деразасини синдириб қўяди ва ҳамма ёқни шовқинли овоз тутиб кетади. Бу пайтда ўша одам учун энг катта мусибат дераза синдиргани бўлади. Лекин бироздан кейин у супермаркет ичкарисига кириб овозни ўчиришга ҳаракат қилса-ю тўсқинлиқ қилган қоровулни қаттиқ жароҳатлаб қўйса, бу иккинчи мусибат биринчисини ёпиб юборади. Яъни ҳалиги одам учун дераза синдириб қўйгани ҳеч нарса бўлмай қолади. Энди қонун посбонлари келишса ва ҳалиги одамга таслим бўлишни таклиф этишса, у қочиб кетса, нима бўлади, деб ўйлайсиз? Аниқки, у ўзига навбатдаги - учинчи мусибатни қабул қилиб олган бўлади. Бутун шаҳарда қонун ҳимоячиларининг қидирувига тушган одамга бориб: «Дераза синдириб қўйганингизни ўйлаяпсизми», денг, унинг жавоби тахминан шундай бўлади: «Дераза синдирганим ҳам, қоровулни жароҳатлаганим ҳам ҳозирги мусибатим олдида ҳолва экан...» Кўряпсизми, каттароқ мусибат билан олдингиси йўққа чиқади.
Ўтмиш одамлари билан суҳбатлашсангиз, «Пахтакор» жамоасининг нурли даврларини бошқача хотирлашади. Кўзлари ёшланиб кетгулик қадар эслашади. Чунки улар гап аслида бир клуб ҳақида эмас, балки бутун бошли юрт ҳақида кетаётганини ҳис қилишади. Ҳозир «Пахтакор» жамоасига мухлислик қилаётган ишқибоз унақа туйғуларни бошидан ўтказа олмайди. Сабаби оддий - энди Ўзбекистон деган юрт мустақил бўлган, унинг ўз терма жамоа¬си бор ва «Пахтакор» ўша мамлакат чемпионатидаги битта жамоа, холос. Ўтмиш одамлари эса «Пахтакор» оддий бир жамоа эмас, балки Ўзбекистоннинг ўша пайтдаги норасмий термаси эканлиги учун ҳам биргаликда мухлислик қилишган. Уларни ажратиб ташлайдиган туйғу бўлмаган. Ҳозирчи, ҳозир кимдир «Пахтакор»га, кимдир эса «Бунёдкор»га ишқибозлик қилиши мумкин. Водийда ҳар бир вилоятнинг ўз жамоаси бор. Демак, истасак-истамасак, бугунги кунимиз билан мустақиллигимиздан олдинги даврни қиёслай олмас эканмиз. Хоҳлайлик-хоҳламайлик, мезонлар ўзгариб кетган, ўлчовларга путур етган экан. Биз энди бугуннинг нафаси билан гапиришга мажбур этилдик.
Шунинг учун ҳам Ўзбекистон терма жамоаси БААга сафарга отланган эди, «Пахтакор» жамоаси мухлисларининг эътибори МДҲ кубогидан кўра кўпроқ ушбу сафарга қаратилди. «Шериф» билан бўладиган расмий ўйиндан кўра терма жамоа иштирокидаги норасмий ўйинлар муҳимлигини тушуниб қолишди. Тушуниб қолишмади, ички бир туйғу билан ҳис қилишди. Бугунги ишқибоз учун терма жамоадан бошқа бутунлай мухлислик қиладиган жамоа йўқлиги аниқ бўлиб улгурди. Фақат миллат жамоаси майдонга чиққанидагина миллий чемпионатда бир-бири билан қирпичоқ бўлаётган клубларнинг ўйинчилари ака-укага айланишади. Фақатгина шу либосни улар тортинмасдан кулишиб-кулишиб кийишади. «Ўша куни оёғингга қаттиқ тепиб юборувдим, кечирарсан!», дея олади камида мана шу либосни кия туриб. Бу либос ҳаммани бирлаштиради. Рангидан қатъий назар.
«Бунёдкор» МДҲ кубогига бормасдан Исроилдаги турнирда қатнашишга бел боғлаган эди, мусобақа ўтказилмади. Ўрнига «Пахтакор» кетди. «Пахтакор»нинг айрим ишқибозлари «Бунёдкор» бориши керак, турнирга жамоа бормаслиги керак эди, деб бу қарордан ранжиган бўлишди. «Бунёдкор» фанатлари эса турнирсиз қолиб кетишганидан озгина бўлса ҳам ранжишди. Лекин сал кейинроқ маълум бўлишича, бу турнир иккала томоннинг хафа бўлишига арзимас экан. Мабодо «Бунёдкор» борганида ҳам терма жамоамиз ўйинлари бошлангач, асосий ўйинчиларини олиб келарди, яна ёшлар билан қолардик ва... Нари борса бу қарордан турнир ташкилотчилари ютишарди - Ривалдонинг ўйинини кўриб қолишарди. Аммо бошқа биронта янгилик бўлмасди.
Менга шахсан «Пахтакор»нинг енгилгани алам қилмаяпти. Ҳатто яхши томонларини ҳам излаяпман бу мағлубиятнинг. Чунки барибир терма жамоамиз ўйинига эътибор қаратаверишимиз керак бўларди. Барибир! Ўтган йилги гина-кудуратлар унутилиб, яна битта жамоага айланиб туришибди йигитлар. Нестеров Погребнякнинг зарбасини қайтаряпти, Магдеев гол урмоқда. Уни эса юртимизнинг бошқа клубларида ўйнаётган футболчилар қучоқлашмоқда. Мана шуни терма жамоа байроғи остида бирлашиш дейишса ажаб эмас.
«Пахтакор»нинг расмий ўйинлари ҳам терма жамоа манфаати йўлида қурбон бўлиши мумкин, азизлар. Лекин яна шуниси аниқки, ҳали бу ҳаммаси эмас. Аслида «Зенит» билан баҳсдаги ҳар қандай натижа 11 февраль кунги ўйин олдида ҳеч нарса эмас. Чунки бугунги ҳисоб бизга муҳимроқ ўйинда натижа тақдим эта олмайди. Баҳрайнга қарши ажойиб ўйин кўрсатсаккина, «Зенит» билан бўлган ўйин яхши хотиралар билан ёдга олинади, акс ҳолда... Юқорида келтирилган мисолда мусибатлар натижасида биринчи мусибатни унутган кишининг ҳолатига тушиб қолмаслигимиз учун охирги - натижа сифатида қаралган ўйиннигина ўйлашимиз зарурдир. Ҳатто эртага бизга қарши чиқадиган БАА ҳам биз учун ўта муҳим эмаслигини англаб етишимиз керак.
Энди мисолни охиригача етказиб қўя қолай. Худо насиб қилиб ЖАРга борадиган бўлсак, бугунги ўйинларимизни кулиб эслаймиз. Шаҳар бўйлаб қочиб юрган одамнинг биринчи ҳолатлари кулгили бўлганидек, Қатар ва Австралияга бой берилган ўйинларимиз, японлардан тортиб олган дурангимиз ва бошқа баҳслар эрмак учун эсга олинади. МДҲ кубогида «Шериф»га пенальтилар сериясида имкониятни бой берганимиз эса, менимча, роса уринсак эслай оладиган бир воқеа бўлади, холос. Умид қиламизки, охиргиси хайрли бўлади. Ахир, эскилар айтишадику, аввалинг хор бўлса бўлсин, охиринг хор бўлмасин, деб...
Манба: www.interfutbol.uz
Мусибатни бошқа мусибат ёпади, дейишади. Яхшиликни ҳам ундан муҳимроқ яхшилик унуттиради. Қандай тушунтирсам экан? Озгина эзмачиликка қўймасангиз, буни оддий бир ҳаётий мисол билан тушунтираман. Дейлик, бир киши тўсатдан супермаркет деразасини синдириб қўяди ва ҳамма ёқни шовқинли овоз тутиб кетади. Бу пайтда ўша одам учун энг катта мусибат дераза синдиргани бўлади. Лекин бироздан кейин у супермаркет ичкарисига кириб овозни ўчиришга ҳаракат қилса-ю тўсқинлиқ қилган қоровулни қаттиқ жароҳатлаб қўйса, бу иккинчи мусибат биринчисини ёпиб юборади. Яъни ҳалиги одам учун дераза синдириб қўйгани ҳеч нарса бўлмай қолади. Энди қонун посбонлари келишса ва ҳалиги одамга таслим бўлишни таклиф этишса, у қочиб кетса, нима бўлади, деб ўйлайсиз? Аниқки, у ўзига навбатдаги - учинчи мусибатни қабул қилиб олган бўлади. Бутун шаҳарда қонун ҳимоячиларининг қидирувига тушган одамга бориб: «Дераза синдириб қўйганингизни ўйлаяпсизми», денг, унинг жавоби тахминан шундай бўлади: «Дераза синдирганим ҳам, қоровулни жароҳатлаганим ҳам ҳозирги мусибатим олдида ҳолва экан...» Кўряпсизми, каттароқ мусибат билан олдингиси йўққа чиқади.
Ўтмиш одамлари билан суҳбатлашсангиз, «Пахтакор» жамоасининг нурли даврларини бошқача хотирлашади. Кўзлари ёшланиб кетгулик қадар эслашади. Чунки улар гап аслида бир клуб ҳақида эмас, балки бутун бошли юрт ҳақида кетаётганини ҳис қилишади. Ҳозир «Пахтакор» жамоасига мухлислик қилаётган ишқибоз унақа туйғуларни бошидан ўтказа олмайди. Сабаби оддий - энди Ўзбекистон деган юрт мустақил бўлган, унинг ўз терма жамоа¬си бор ва «Пахтакор» ўша мамлакат чемпионатидаги битта жамоа, холос. Ўтмиш одамлари эса «Пахтакор» оддий бир жамоа эмас, балки Ўзбекистоннинг ўша пайтдаги норасмий термаси эканлиги учун ҳам биргаликда мухлислик қилишган. Уларни ажратиб ташлайдиган туйғу бўлмаган. Ҳозирчи, ҳозир кимдир «Пахтакор»га, кимдир эса «Бунёдкор»га ишқибозлик қилиши мумкин. Водийда ҳар бир вилоятнинг ўз жамоаси бор. Демак, истасак-истамасак, бугунги кунимиз билан мустақиллигимиздан олдинги даврни қиёслай олмас эканмиз. Хоҳлайлик-хоҳламайлик, мезонлар ўзгариб кетган, ўлчовларга путур етган экан. Биз энди бугуннинг нафаси билан гапиришга мажбур этилдик.
Шунинг учун ҳам Ўзбекистон терма жамоаси БААга сафарга отланган эди, «Пахтакор» жамоаси мухлисларининг эътибори МДҲ кубогидан кўра кўпроқ ушбу сафарга қаратилди. «Шериф» билан бўладиган расмий ўйиндан кўра терма жамоа иштирокидаги норасмий ўйинлар муҳимлигини тушуниб қолишди. Тушуниб қолишмади, ички бир туйғу билан ҳис қилишди. Бугунги ишқибоз учун терма жамоадан бошқа бутунлай мухлислик қиладиган жамоа йўқлиги аниқ бўлиб улгурди. Фақат миллат жамоаси майдонга чиққанидагина миллий чемпионатда бир-бири билан қирпичоқ бўлаётган клубларнинг ўйинчилари ака-укага айланишади. Фақатгина шу либосни улар тортинмасдан кулишиб-кулишиб кийишади. «Ўша куни оёғингга қаттиқ тепиб юборувдим, кечирарсан!», дея олади камида мана шу либосни кия туриб. Бу либос ҳаммани бирлаштиради. Рангидан қатъий назар.
«Бунёдкор» МДҲ кубогига бормасдан Исроилдаги турнирда қатнашишга бел боғлаган эди, мусобақа ўтказилмади. Ўрнига «Пахтакор» кетди. «Пахтакор»нинг айрим ишқибозлари «Бунёдкор» бориши керак, турнирга жамоа бормаслиги керак эди, деб бу қарордан ранжиган бўлишди. «Бунёдкор» фанатлари эса турнирсиз қолиб кетишганидан озгина бўлса ҳам ранжишди. Лекин сал кейинроқ маълум бўлишича, бу турнир иккала томоннинг хафа бўлишига арзимас экан. Мабодо «Бунёдкор» борганида ҳам терма жамоамиз ўйинлари бошлангач, асосий ўйинчиларини олиб келарди, яна ёшлар билан қолардик ва... Нари борса бу қарордан турнир ташкилотчилари ютишарди - Ривалдонинг ўйинини кўриб қолишарди. Аммо бошқа биронта янгилик бўлмасди.
Менга шахсан «Пахтакор»нинг енгилгани алам қилмаяпти. Ҳатто яхши томонларини ҳам излаяпман бу мағлубиятнинг. Чунки барибир терма жамоамиз ўйинига эътибор қаратаверишимиз керак бўларди. Барибир! Ўтган йилги гина-кудуратлар унутилиб, яна битта жамоага айланиб туришибди йигитлар. Нестеров Погребнякнинг зарбасини қайтаряпти, Магдеев гол урмоқда. Уни эса юртимизнинг бошқа клубларида ўйнаётган футболчилар қучоқлашмоқда. Мана шуни терма жамоа байроғи остида бирлашиш дейишса ажаб эмас.
«Пахтакор»нинг расмий ўйинлари ҳам терма жамоа манфаати йўлида қурбон бўлиши мумкин, азизлар. Лекин яна шуниси аниқки, ҳали бу ҳаммаси эмас. Аслида «Зенит» билан баҳсдаги ҳар қандай натижа 11 февраль кунги ўйин олдида ҳеч нарса эмас. Чунки бугунги ҳисоб бизга муҳимроқ ўйинда натижа тақдим эта олмайди. Баҳрайнга қарши ажойиб ўйин кўрсатсаккина, «Зенит» билан бўлган ўйин яхши хотиралар билан ёдга олинади, акс ҳолда... Юқорида келтирилган мисолда мусибатлар натижасида биринчи мусибатни унутган кишининг ҳолатига тушиб қолмаслигимиз учун охирги - натижа сифатида қаралган ўйиннигина ўйлашимиз зарурдир. Ҳатто эртага бизга қарши чиқадиган БАА ҳам биз учун ўта муҳим эмаслигини англаб етишимиз керак.
Энди мисолни охиригача етказиб қўя қолай. Худо насиб қилиб ЖАРга борадиган бўлсак, бугунги ўйинларимизни кулиб эслаймиз. Шаҳар бўйлаб қочиб юрган одамнинг биринчи ҳолатлари кулгили бўлганидек, Қатар ва Австралияга бой берилган ўйинларимиз, японлардан тортиб олган дурангимиз ва бошқа баҳслар эрмак учун эсга олинади. МДҲ кубогида «Шериф»га пенальтилар сериясида имкониятни бой берганимиз эса, менимча, роса уринсак эслай оладиган бир воқеа бўлади, холос. Умид қиламизки, охиргиси хайрли бўлади. Ахир, эскилар айтишадику, аввалинг хор бўлса бўлсин, охиринг хор бўлмасин, деб...
Манба: www.interfutbol.uz
