Россия пойтахтида жамоа беш юлдузлик Гранд отель «Мэрриот»да истиқомат қилмоқда. Биз бу ерда жамоа учун яратилган қулайликлар билан танишиб, Жалилов Виктор Романович билан қисқача сухбатлашдик.

«Пахтакор» жамоаси бош мурабийи қуйидагиларни таъкидлаб ўтди:

- Турнир янги мавсумга тайёргарлик вазифасини ўтаб беради;

- Жамоа таркибида айрим муаммолар мавжуд: Зайниддин Тожиевни эски жарохати бироз қийнамокда, Ислом Иномов, Илхом Суюнов хамда Камолиддин Тожиевлар ўз формаларини тиклаб бормоқдалар. Ёшлар ўртасида ўтган Осиё биринлчилиги қахрамонларидин бири Мурод Холмухамедов ва жамоа ярим химоячиси Акмал Холматов хам яқин кунларда асосий таркибда тушиши кутилмоқда. Иккинчи тур ўйинларидан сўнг жамоанинг етакчи уйинчилари Миллий терма жамоа ихтиёрига қайтишади;

- «Рубин» жамоаси билан бўлиб ўтган дастлабки ўйинда жамоамиз анча яхши харакат қилишди, кўрсатмаларимизни аъло даражада бажаришди, аммо иккинчи бўлимда бизнинг ўйинимизда пасайиш сезилди, бизга суний копламали чим ўз таъсирини ўтказмасдан қолмади;

- Қозонликлар таркибида анча етакчи ўчинчилар харакат қилишди, булардан бири Хасан Кабзе, айни шу ўйинчи Нестеров дарвозасини ишғол қилди;

- Футбол муҳлисларига ката рахмат, улар бизни биринчи ва иккинчи тур уйинларида анча қувватлаб туришди.  Икала ўйинда хам бизни жамоага мухлислик қиладиганлар сони кўпроқлиги сезилиб турди. Кейинги тур ўйинларида хам футбол ихлосвандларини шунақа қувватлаб туришларини кутиб қоламиз.

- Биринчи уринда мавсумга тайёргарлик куриш максадида биз жамоани купрок уйнаттиришимиз керак. Биз бу турнирнинг финалига чикишни астойидил хохлаяпмиз ва бу учун барча кучимизни ишлатишга тайёрмиз.