Миллий терма жамоамиз январь ойининг иккинчи ярмидан бошлаб жиддий машғулотларга киришади. Чунки январь-февраль ойларида бизни икки муҳим баҳс кутиб турибди. Дастлаб 28 январь куни БААга қарши тўп сурсак, ундан кейин 11 февралда ўз майдонимизда Баҳрайнни қабул қиламиз. Туркия йиғини қолдирилгач, футболчиларимиз шу вақтгача ўз клублари сафида шуғулланиб туришди. Энди улар 21 январь куни БААга жўнаб кетишади. Маълум бўлишича, терма жамоамиз БААда тўртта ўйин ўтказади. Шулардан бири -БААга қарши расмий баҳс бўлса, қолган учтаси ўртоқлик учрашувидир. Яъни, Россиянинг «Зенит» ва Чехиянинг «Славия» клублари ҳамда Озарбайжон термаси билан. Куни кеча терма жамомиз бош мураббийи Миржалол Қосимов БААга кетадиган рўйхатни эълон қилди. Унга кўра, навбатдаги йиғинга ва учрашувларга 23 нафар футболчи таклиф этилган.

Дарвозабонлар - Игнатий Нестеров, Михаил Наумов, Муҳиддин Худоёров.

Ҳимоячилар - Шавкат Раимқулов, Анвар Ғофуров, Анзур Исмоилов, Артём Филипосян, Ислом Тўхтахўжаев, Ҳикмат Ҳошимов, Саҳоб Жўраев, Руслан Мелзиддинов.

Ярим ҳимоячилар - Элдор Магдеев, Темур Кападзе, Одил Аҳмедов, Фозил Мусаев, Суннат Мамадалиев, Сервер Жепаров, Жасур Ҳасанов, Шерзод Каримов.