Ўзбекистоннинг «Бунёдкор» жамоасига янги бош мураббий этиб тайинланиши мумкин бўлган Италиялик таниқли мураббий Роберто Манчини, Голландиялик Йохан Кройф ёки Франк Райкаардлар билан музокоралар олиб борилгани тўғрисида клуб матбуот хизмати тасдиқламади, дея хабар бермоқда www.infox.ru интернет сайти.
«Биз хам юқорида номлари зикр этилган мутахассислар бизни клубни бошқариши мумкинлиги тўғрисидаги янгиликни Интернет тармоғи орқали билдик» дейди infox.ru га клуб матбуот хизмати ҳодими Аброр Имомхўжаев.
«Яқин кунлар ичида биз янги мураббийни барчага таништирамиз, чунки клуб яқинда ўзининг иккинчи йиғинига БААга жўнаб кетиши керак. Испаниядаги биринчи йиғин ўзимизнинг махаллий мураббийлар қўл остида ўтди. Хозирчалик биз музокаралар олиб бораётган мураббийларнинг рўйхатини айта олмайман» деб қўшимча қилди Имомхўжаев.
Эслатиб ўтамиз, жамоанинг собиқ бош мурабийи Зико Москванинг ЦСКА жамоасига ўтганидан сўнг «Бунёдкор» янги бош мураббий излашга тушган.
Манчини хамда Райкаард ўзларининг жамоаларини тарк этишгандан сўнг вактинчалик «таътилга» чиқишган. Кройф эса 1996 йили «Берселона» бош муррабийлигидан озод этилгандан сўнг бирорта жамоа билан ишламаган.
| 
