17 январь, шанба кунидан бошлаб Москвадаги «Олимпийский» ва «Динамо» спорт манежларида футбол бўйича “МДҲ ва Болтиқбўйи давлатлари ҳамдўстлиги чемпионлари кубоги” мусобақасига старт берилади. “Пахтакор” ушбу мусобақада иштирок этиш учун эртага эрталаб йўлга отланмоқди. Уларни ўз бағрига олган самолёт Москва вақти билан соат 9:25 да “Домодедова” аэропортига қўнади. Виктор Жалилов шогирдлари шу куннинг ўзида соат 14.00 да “Олимпийский” спорт манежида машғулот ўтказишади. “Пахтакор” жамоасини кутиб олиш учун Москвада истиқомат қилаётган ютдошларимизни таклиф қиламиз.
Шанба куни эса пахтакорчилар мусобақадаUB илк учрашувларини Россия чемпиони “Рубин”га қарши ўтказишади. Учрашув Тошкент вақти билан соат 21.00 да бошланади. Мазкур учрашув олдидан мусобақанинг очилиш маросими ўтказилади. Унда ФИФА ва УЕФА президенти Зепп Блаттер ва Мишель Платинилар иштирок этишади.
Хабарингиз бор, “Пахтакор” мусобақа тайёргарликни БААда олиб борди ва у ерда 4 та назорат учрашувини ўтказиб, 2 та ғалаба ва 2 та дурангга эришди.
Манба: www.chempionat.ru
