Халқаро футбол уюшмаси (ФИФА) терма жамоаларнинг январ ойидаги рейтингини эълон қилди. Унга кўра, Ўзбекистон терма жамоаси янги йилни 69 ўринда бошлади.  Демак, янги йилни терма жамоамиз Осиёнинг олтинчи МДҲнинг эса тўртинчи жамоаси сифатида қарши олди. ФИФА рейтингини эса Европа чемпиони Испания бошқариб бормоқда. Иккинчи ўринда  Германия бўлса, Голландия терма жамоаси учинчи поғонага чиқиб олди.  Жаҳон чемпиони Италия эса бу сафар тўртинчи ўрин билан кифояланди.