Ўзбекистон терма жамоаси январь ойининг охирида БААда бўладиган ўқув-машғулот йиғини давомида назорат учрашувлари учун рақиблар билан келишувга эришмоқда. Чемпионат.ру сайтининг хабар беришича, Миржалол Қосимов шогирдлари 24 январь куни Санкт-Петербургнинг “Зенит” клуби билан ўртоқлик учрашувини ўтказади. Бу вақтда “Зенит” ҳам БААда йиғин ўтказаётган бўлади.

Хабарингиз бор, Ўзбекистон миллий терма жамоаси 28 январь куни Осиё Кубоги - 2011 саралаш босқичи доирасида БАА терма жамоаоси билан ўйнайди. "Зенит" билан бўладиган баҳс эса расмий учрашув олдидан сўнгги тайёргарлик вазифасини ўтайди.

Шунингдек, терма жамоамиз 1 февраль куни Озарбойжон миллий терма жамоаси билан ҳам ўртоқлик учрашувини ўтказади. Ушбу учрашув ҳам БААда бўлади. Шу тариқа Миржалол Қосимов 11 февраль куни Баҳрайнга қарши Тошкентда кечадиган ЖЧ саралаш баҳсига етарлича тайёрлаш имкониятига эга бўлади. 

Манба: www.uff.uz