Малайзия пойтахти Куала-Лумпур шаҳрида ОФКнинг ўқув семинари доирасида Тошкентнинг «Пахтакор» жой олган А гуруҳи вакиллари учун мулоқотни олиб бораётган ОФК мусобақалар ўтказиш департаменти директори Мишель Чай хоним лига учрашувларини ўтказишда «Пахтакор» гуруҳнинг қолган жамоалари ичида катта имкониятга эга эканлигини таъкидлаб ўтган.
«Сизларга «Пахтакор» марказий стадионини таърифлаб бера олмайман. Бу худди эртакдаги қасрнинг ўзгинаси! Яхшиси, у ерга борганингизда бунга ўзингиз гувоҳ бўласиз», - деди Мишель Чай.
«Тошкент ва ўзбекистонликлар меҳмондўст халқ. Аэропортдан меҳмонхонага, меҳмонхонадан стадионга бориш учун бир неча дақиқа кифоя. Таққослашингиз учун, масалан, Эронда А гуруҳи аъзолари халқаро аэропортдан то меҳмонхонагача сал кам 100 км масофани босиб ўтиши лозим бўлади» - дея қўшимча қилди ОФК мусобақалар ўтказиш департаменти директори.
