Англиялик ярим ҳимоячи Дэвид Бекхэм “Глазго Рейнжерс”га қарши кечган ўртоқлик учрашувидан кейин “Милан”да қолишни истаётганини баён қилди. Инглиз футболчиси Америкага қайтиб бормоқчи эмас. Ўзингизга маълум, Бекхэм италияликлар сафида ижара асосида тўп сурмоқда. Унинг трансфери эса АҚШнинг “Лос Анжелес Гэлакси” жамоасига тегишли.

“Ростини айтсам, менинг адвокатларим “Гэлакси” раҳбарлари билан ҳеч қандай музокаралар олиб бораётгани йўқ. Аммо мен “Милан”да қолишни истайман. Буни очиқ тан оламан. Энди барча масалани икки клуб ҳал қилиши лозим. “Милан” менга жуда ёқади. Тан олиш керак, бу ерга келишимдан олдин  Италияда ишлари яхши юришиб кетишига “унчалик ишонмагандим. “Милан”да қолишни чиндан ҳам хоҳлайман. Аммо айни дамда Гэлакси” аъзосиман. Умид қиламанки, барчаси мен учун кўнгилдагидек якун топади”- дейди Бекхэм.