 Халқаро футбол тарихи ва
статистикаси федерацияси (IFFHS) бугун дунё клубларининг Январь ойи рейтингини
эълон қилди. Унга кўра, Тошкентинг “Бунёдкор” клуби ўз мавқеини мустаҳкамлаган
ҳолда, 66-ўринга кўтарилиб олишга муваффақ бўлди. Хабарингиз бор, ўтган ойда
70-ўринда қайд этилган “бунёдкорчилар” бу сафар 4 поғона юқорига кўтарилиб
олдилар. Бу билан “Бунёдкор” рейтингда Осиёда иккинчи ўринни банд этмоқда.
Рейтингдаги яна бир клубимиз –
“Пахтакор” эса ўз мавқеини бироз пасайтирди – 156 дан 159-ўринга тушишга мажбур
бўлди.
Киевнинг “Динамо” клуби
17-ўриндан 18-ўринга тушиб кетган бўлсада, МДҲ миқёсида 1-ўринни ўзида сақлаб
турибди.
Жадвалнинг юқори қисмини ўтган
ойги сингари Англиянинг “Манчестер Юнайтед” клуби 292 очко тўплаган ҳолда
биринчи ўринни эгаллаб келмоқда. Ўз чемпионатларида
муваффақиятли иштирок этаётган “Бавария” клуби иккинчи ўринни банд этиб турган
бўлса, учинчи ўринни “Барселона” клуби эгаллаган.
Жадвалнинг
тўлик кўриниши билан www.iffhs.de танишиб олишингиз мумкин.
| 
