Хабарингиз бор, "Пахтакор" сафарда "Ал-Аҳли"
футболчиларини 2:1 ҳисобда мағлубиятга учратдилар. Ўйин
қаҳрамонларининг фикри қуйидагича кўриниш олди.
Игнатий Нестеров:
"Пенальти
тепилаётган паллада рақибим мени бирон бир бурчакка сакрашимни кутди.
Мен таваккал қилиб сакрашга шошилмай, зарба бериладиган сўнгги
сониягача кутдим".
"Ал-Аҳли" ўйинининг энг яхши
ўйинчиларидан бири бу шубҳасиз Александр Гейнрихдир. У илк дақиқалардан
майдонга чиққан ягона ҳужумчи бўлса-да, асосан ҳужум ортида тўп тепди.
Ўзи гол уриши мумкин бўлган паллада, Зайниддин Тожиевга "пас" оширди.
Футболчимизнинг ижросидаги финтлар эса кўпчиликка манзур бўлди.
"Бутун
ўйин давомида улар мени "тўпсизлантириш"га ҳаракат қилдилар. Кўп
ҳолларда қўполлик билан ўз ниятларига етдилар. Аммо жамоадошларим билан
уларга ким кўпроқ ғалабага лойиқ эканлигини кўрсатдик. Менимча улар
фақат ўзларида бразилиялик бор деб ўйладилар (кулади)", - дейди Гейнрих.
